'n Stukkie perfeksie (Afrikaans Edition)

Mari en Frikkie is die ideale paartjie – net jammer hulle is bloot vriende. Alex, die nuwe dokter op die dorp, is volgens Mari die ideale maat vir haar vriendin Erna, want sy wat Mari is, het haar les geleer met mooi mans. Hulle is almal onbetroubaar en hul motiewe bitterlik verdag.



Boonop wurm Alex hom oral in waar sy hom nie wil hê nie, en sy moet haar hart streng vermaan en keer op keer daaraan herinner dat hy nie haar soort is nie. Hoegenaamd nie.

Haar vriendskap met Frikkie begin skade ly weens haar stiksienigheid, maar wanneer haar oë uiteindelik oopgaan, besluit sy dat onaangename insidente uit die verlede beslis nie haar toekoms gaan bepaal nie.